I hui ngā Kōhanga Reo me ngā kura ki Mangamuka Marae, ki te whakanui i te huritau o te KR o Maungataniwha. Tekau ngā papamahi i whakatūria hei whāwhā, hei tūhura, hei ako mā ngā reanga katoa. He raranga ika / putiputi tētahi. He papamahi rongoā kūmarahou tētahi. He papamahi pūoro / waihanga porotiti tētahi. Nā ngā mokopuna anō ngā kōhatu nō te awa i kohi atu mā te mahi toi. I whai whakaaro ki ngā rauemi taiao nō Mangamuka pū, me ngā kaupapa pārekareka ki te ngākau.
Toitū Taiao rangi o Maungataniwhā Te Kōhanga Reo
Nō te tuangahuru mā whā huritau o te Kōhanga Reo o Maungataniwha, i whakatūria he rā papamahi e aronui ana ki ngā taonga o taiao, kia kōtui i te ngākau o te tangata ki ēnei taonga tuku iho nō ngā mātua tūpuna. He wāhi whakangungu anō hoki mā ngā kaiako kia kitea mai ētahi ngohe hei whakahaere i roto i o rātou kōhanga, whānau nōki. He tuatahitanga tēnei mō te Kōhanga Reo kia tonoa tātou o Te Aho Tū Roa ki te whakatū kaupapa hei whāngai i te hononga o te tangata ki taiao. Ana hi! Haramai tētahi āhua o ngā kōrero hitōria i puta i te reanga kaumātua, tatū mai ki ngā raukura. He hokinga mahara ki te tīmatanga o te kaupapa, ki te āhua o te taiao i taua wā, me tēnei kōrero “ko te marae te ūkaipō.” Nā te noho o te Kōhanga Reo ki te whenua o te marae, e tūhono ai te tamaiti ki tōna whenua o Mangamuka, ki tōna awa o Tāpapa e rere kau ana ki muri o te marae, ki tōna maunga o Maungataniwha e tū whakateitei ana ki mua o te marae, ki tōna tūrangawaewae e hora ana ki tōna aroaro, ki tōna reo me ōna tikanga e pararē ana i te Kōhanga Reo me te marae e whakaruruhau ana i te mokopuna.
Papamahi raranga putiputi – harvested locally.
10 ngā papamahi i whakatūria hei whāwhā, hei tūhura, hei ako mā ngā reanga katoa. He raranga ika / putiputi tētahi. He papamahi rongoā kūmarahou tētahi. He papamahi pūoro / waihanga porotiti tētahi. Nā ngā mokopuna anō ngā kōhatu nō te awa i kohi atu hei mahi peita. I whai whakaaro ki ngā rauemi taiao nō Mangamuka pū, me ngā kaupapa pārekareka ki te ngākau.
Ko ngā hua i puta ko te whakawhanaungatanga o ngā Kōhanga Reo o te purapura o Pipiwharauroa ka tahi. Ka rua, i whai wāhi mai rātou ki tētahi horopaki anō o te whakahaere kaupapa hei whanake i a rātou kia wana te ako. Ka toru, ko ngā papamahi tonu i mahia atu, i hāngai ki ngā taonga nō taiao. He tino tauira te raranga kaupapa taiao i roto i ēnei tūmomo huihuinga ki ēnei Kōhanga / kura i tae ā tinana mai. Koia te whakaawenga nui ki ngā kaiako hei whakahoki atu ki ō rātou Kōhanga, Kura nōki.
“mihi nui mō te tautoko – from all our whānau o te purapura o Pipiwharauroa. Also to Selena me ngā tamariki o Panguru, and Kylie with her mahi harakeke. The activities focusing on taiao, mahi harakeke, ngā kōhatu, rongoā and wai have inspired us to action at our next kaupapa. We enjoyed the historical kōrero i te tīmatanga o Te Kōhanga Reo, even though we ran out of time. Seeing ngā tamariki tino hari, being engaged in what they were doing, and past / present tamariki and parents coming together.”
