Ko tōku awa tapu ko au, ko au ko tōku awa tapu – ko te taiao ko au, ko au te taiao!
Kia tātaihia anō ai ngā hono o tō tātou ao, ahakoa ngā tāwhirowhirotanga o te ao hurihuri.
Kia māhorahora ai te ngākau tangata ki nga tini pānga mai o tōna ao ki a ia anō, otirā ki ana pānga hoki ki tōna ao.
He mea ahu mai i ngā kāwai atua – i a Tānemahuta, i a Maru, i a Hinemoana, i a Papatūānuku. Atawhaitia, arohaina, tiakina te Taiao. Mauri ora! Mātakitaki mai i ngā kiriata mātai wai i hangaia e Te Kāhui Tuākana o Te Aho Tū Roa!
Tēnā, karawhiua!
(Whakaahua: Ngā tuākana o Te Aho Tū Roa e mātai wai ana).
