He ara tēnei hei tūhono ki te taiao. I tēnei tau kua rewa ake te rōpū Arahanga Taiao, he rōpū rangahau, he rōpū mātai i ngā āhuatanga o te taiao. He tīmatanga rangahau tēnei ki te kimi i ngā taputapu mātai, whakamatau wai rānei e tika ana, e pai ana hoki mō ngā whānau te whakamahi i o rātou ake awa
He ara hei tūhono ki te taiao. I tēnei tau kua rewa ake te rōpū Aranganga Taiao, he rōpū rangahau, he rōpū matai i ngā ahuatanga o te taiao. I tēnei wāhanga o te tau kua tae atu mātau ki te hui ‘Papaki Tū Ana Ngā Tai’ he kaupapa whakahaere na Sustainable Seas. I reira i tū mātau ki te whakaatu i ta mātau kaupapa mahi, ā, i whai here hoki ki ētahi atu rōpū e āhua rite ana ki a mātau hei mahi tahi pea.
Kua whiwhi ‘shipping container’ mātau hei wāhi tiaki rawa, hei wāhi wānanga hoki. He mea i tautoko mai e Toimata. Ka mihi rā ki tēnei tautoko nui!
Hei te marama o Hūrae ka tū ta mātau noho wharau tuatahi hei timata wa mātau kohinga matai taiao me te whakamahi i ngā taputapu kohi pārongo e pā ana ki te mauri o tētahi o ngā awa o Te Tairāwhiti. He timatanga rangahau tēnei ki te kimi i ngā taputapu matai, whakamatau wai rānei e tika ana, e pai ana hoki mō ngā whānau te whakamahi i o rātau ake awa.
