He nui ngā nekehanga i te tau nei mā tēnei kura e ngana nei ki te whakakotahi i te kura tuatahi me te kura tuarua kia noho kotahi ki te whenua ōrite i Whangārei (I tēnei wā e noho weherua ana i te taone). Hei āpiti atu, he tino rerekē te taha whakahaere o te kura.
Nā tēnā, horekau kē ngā kaiako, otirā ngā whānau e tino whai reo i roto i ngā mahi whakahaere i te kura. Nā whai anō e noho taimaha ana, e raruraru nui ana te wairua o te kura. Rūhā ana ngā kaiako me ngā whānau. Ko tētahi whakatau i tēnei tau ko te noho rāhui o te whenua nō te mea ka whakatū whare hou hei te tau nei. Hāunga ēnā, kua karangahia ahau kia uru atu ki te whakahaere papamahi hei tautoko i ngā whāinga kia matomato a Tupuānuku rāua ko Tupuārangi.
E whakatō kākano koriānara e tēnei tauira o Te Kāpehu Whetū
Papamahi Mahinga Kai:
Tino rawe te whakatō kākano ki te taha o te whānau Tāwera, tau 3- 4. I whakawhanaunga atu mā te pupuri kākano ki te ringa me te kimi i ngā hoa e rite nei te kākano ki a ia. Ka whakapae he aha te momo me te wānanga i ōna painga. Ko te Koriānara, te puanani, te pūhā hiriwa, te pīni me te rētihi ngā momo. Nō muri mai ka tā pikitia kia tina ngā akoranga kua whārikihia. Tū mai ētahi ki te whakamārama i ngā mahi toi, horekau he whakamā ki te kōrero. I whakatōngia he microgreens nōki kia tere kite i ngā hua i mua i te paunga o te wāhanga.
Te whakapapa o te pīni – ki tā te titiro o Amaia
Ngā ihu oneone o Tawera (tau 3/4) o Te Kāpehu Whetū
